ای شمع حرمخانه قربانون اولوم عبّاس

جان لار سنه پروانه قربانون اولوم عباس

ایلده شب تاسوعا سسلر آدوی دنیا

معناده دیَر زهرا قربانون اولوم عباس

دویسه قاپیوی سائل منظوری اولار حاصل

ای مونس اهل دل قربانون اولوم عباس

انسان و ملك سندن ایستلر كمك سندن

اَل بیزدن اتك سندن قربانون اولوم عباس

ای معرفتین كانی، سَن بُل آناوین جانی

بیمه ایله بو جمعی قربانون اولوم عباس

اوج شرفه چاتدون، لب تشنه قانه باتدون

سن كوثری آغلاتدون قربانون اولوم عباس

دگدی گوزل آننوندان اوچ شعبه لی بیر پیكان

دوتدی گوزیوی اَلقان، قربانون اولوم عباس

یاندیم دیدیم ای قارداش سس ویر منه وای قارداش

چارم ندی ای قارداش قربانون اولوم عباس

دیداره حسین گلدی، قلبین غم اوخی دَلدی

تاپدی سنی دینجلدی قربانون اولوم عباس

وار خیمه ده چوخ سوزلر قیزلار یولیوی گوزلر

باخمور نیه بو گوزلر قربانون اولوم عباس

احسنت بیله ایثاره، سردار وفاداره

قربان كسیلن یاره، قربانون اولوم عباس

گَلدیم باشوین اوسته، آچ گوزلرین آهسته

سن خسته حسین خسته، قربانون اولوم عباس

ای كشتی بی ساحل، قانلی علمه حامل

آمالون اولوب حاصل قربانون اولوم عباس

كم ایلمه لطفون سَن، بیچاره كلامیدن

كویونده گدایم من، قربانون اولوم عباس

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: